नेपाल एसबीआई बैंकको लाभांश घोषणा

नेपाल एसबीआई बैंकले १६.८४ प्रतिसत लाभांश दिने घोषणा गरेको छ । बैंकको आइतबार बसेको सञ्चालक समिति बैठकले गत वर्षको नाफाबाट ६ प्रतिसत बोनस सेयर र १०.८४ प्रतिसत नगद लाभांश दिने निर्णय गरेको हो । बैंकले ५० करोड ६९ लाख ५५ हजार रुपैयाँ बराबरको बोनस सेयर  तथा ९१ करोड ५८ लाख ९८ हजार ७०० रुपैयाँ नगद लाभांश वितरणमा खर्च गर्नेछ ।

 

प्रस्तावीत बाेनस नियामक राष्ट्र बैंक र आगामी साधारण सभाले अनुमोदन गरेपछि लगानीकर्तालाई वितरण सुरु गरिनेछ ।हाल यस बैंकको चुक्ता पुँजी ८ अर्ब ४४ करोड ९२ लाख ५० हजार रुपैयाँ रहेको छ । बोनस वितरणपछि पुँजी ८ अर्ब ९५ करोड ६२ लाख ५ हजार रुपैयाँ पुग्नेछ ।

 

असार मसान्तसम्म बैंकले २ अर्ब ३० करोड ३६ लाख रुपैयाँ खुद नाफा कमाएको छ । प्रतिसेयर आम्दानी २७ रुपैयाँ २६ पैसा रहेको एसबीआइको प्रतिसेयर नेटवर्थ १६७ रुपैयाँ ८९ पैसा छ ।

 

यी तीन ठूला परियोजना जसले नेपाली अर्थतन्त्रको कायापलट गर्न सक्छ Read Previous

यी तीन ठूला परियोजना जसले नेपाली अर्थतन्त्रको कायापलट गर्न सक्छ

टेलिकमकाे दशैं अफर : पूरानो सिमलाई फोरजीमा परिवर्तन गर्दा शुल्क नलाग्ने Read Next

टेलिकमकाे दशैं अफर : पूरानो सिमलाई फोरजीमा परिवर्तन गर्दा शुल्क नलाग्ने