काठमाडौं । वीरगञ्ज भन्सार कार्यालयले ३५० बढी गाडी र मोटरसाइकल लिलामीमार्फत विक्री गर्ने भएको छ ।
भन्सार कार्यालयले विगत ४ वर्षदेखि चोरी पैठारी, कर छली गरेर ल्याएका विभिन्न सवारी तथा ढुवानीका साधन, तीनपांग्रे सवारी र मोटरसाइकल गरी ३५० थान बढी सवारीसाधन लिलामी गर्न लागेको हो ।
इच्छुक खरिदकर्ताले २१ दिन भित्र आफूले लिन चाहेको सवारीसाधन र मूल्य तोकी गोप्य शिलबन्दीमार्फत आवेदन दिनुपर्नेछ ।
खरिदकर्ताले आफूले कबोल गरेको मूल्यको १० प्रतिशत रकम समेत एभरेष्ट बैंकको भन्सार क्षेत्र वीरगञ्जमा जम्मा गर्नुपर्नेछ ।
भन्सारले मोटरसाइकलको मूल्य माेडल अनुसार न्यूनतम १५ हजार रुपैयाँदेखि तोकेको छ भने गाडीको २ लाखदेखि रहेको छ ।
