काठमाडौं । सेयर बजारमा दोहोरो अंकको कमब्याक भएको छ । यस साताको पछिल्ला दुई दिनमा ५५ अंकले घटेको नेप्से आज दोहोरो अंकले बढेको हो ।
बुधबार नेप्से १३.३३ अंकले बढेर २०४३.९२ विन्दुमा पुगेको छ । यसदिन २२८ कम्प ७०० रुपैयाँ बराबरको ६२ लाख ६३ हजार ३१० कित्ता सेयर किनबेच भएको छ ।
आज कारोबारमा आएका १३ वटा उपसमूहमध्ये बैंक, म्युचुअल फण्ड र निर्जीवन बीमा बाहेक बाँकी सबै समूहको परिसूचकमा हरियाली छाएको छ । फाइनान्स समूह सबैभन्दा धेरै २.७२ प्रतिशतले बढेको छ भने विकास बैंक र जीवन बीमा समूह पनि २ प्रतिशतभन्दा धेरैले बढेको छ ।
आज गोर्खाज फाइनान्सको सर्वाधिक कारोबार भएको छ । यसको पौने १२ करोड रुपैयाँकोे सेयर किनबेच भएको छ । त्यसैगरी, लाइफ इन्स्योरेन्स कर्पोरेशनको साढे ११ करोड र सिभिल बैंकको १० करोड बढीको कारोबार हुँदै शीर्ष तीनमा रहे ।
दोहोरो अंकले बढेको बजारमा आज २ कम्पनीको सेयर मूल्यमा पोजेटिभ सर्किट लागेको छ । लाइफ इन्स्योरेन्स कर्पोरेशनको सेयर मूल्य ठ्याक्कै १० प्रतिशत बढेको छ भने सीवाइसी नेपाल लघुवित्तका सेयरधनीले करिब १० प्रतिशत कमाएका छन् ।
त्यसैगरी, तेह्रथुम पावर ७.७८, सिभिल बैंक ७, रिलायन्स फाइनान्स ६.४२, इमर्जिङ नेपाल ६.१६, कालिका पावर ५.०३, श्री इन्भेष्टमेन्ट, अपर तामाकोशी, छ्याङ्दी र युनाटेड मोदी हाइडोपावरको सेयर मूल्य ४ प्रतिशतले बढेको छ ।
