काठमाडौं । बिहिबार सेयर बजार दोहोरो अंकले बढेको छ । बुधबार ४१.३९ अंकले बढेको नेप्से परिसूचकमा बिहिबार हरियाली छाएको हो । यसअघि साताको पहिलो दिन ९४ अंकले बढेको नेप्से दोस्रो र तेस्रो दिन भने ओरालो लागेको थियो ।
आज ७२.१८ अंकले बढेर २०३४.८९ को बिन्दुमा रोकिएको हो । यसदिन २२७ कम्पनीको ४५ हजार ८८५ पटकको कारोबारमा ७० लाख ३० हजार ९५४ कित्ता सेयर किनबेच भएको छ ।
नेप्सेका अनुसार बिहिबार २ अर्ब ३८ करोड ४९ लाख ९० हजार १५५ रुपैयाँ बराबरको सेयर कारोबर भएको छ । आज कारोबारमा आएका १३ वटै उपसमूहको परिसूचक बढेको छ । सबैभन्दा धेरै ट्रेडिङ समूहका लगानीकर्ताले कमाएका छन् ।
यस समूहको ७.५६ प्रतिशतले सेयर मूल्य बढेको छ । फाइनान्स समूहको ६.६६ प्रतिशतले सेयर मूल्य बढेको छ भने विकास बैंक, अन्य समूहका लगानीकर्ताले ५ प्रतिशतले बढीले कमाएका छन् ।
आज सबैभन्दा धेरै कारोबार हुनेमा शिवम् सिमेन्ट रहेको छ । यस कम्पनीको ९ करोड ९५ लाख रुपैयाँ बराबरको सेयर किनबेच भएको छ । यसैगरी, हिमालयन डिष्ट्र्रीलरीको ७ करोड ९७ लाख, एसियन लाईफ इन्स्योरेन्सको ६ करोड,अरुण कावेली पावर र लाईफ इनस्योरेन्स कर्पोरेसन नेपालको ५ करोड रुपैयाँ बढीको सेयर किनबेच भएको छ ।
यसदिन तीन कम्पनीको सेयर मूल्यमा सकारात्मक सर्किट लागेको छ । नेपाल फाइनान्स,मैलुङखोला जलविद्युत कम्पनी र न्याग्दी हाइड्रोपावरका लगानीकर्ताले १० प्रतिशतले कमाएका छन् ।
आँधी खोला लघुवित्त वित्तीय संस्था,सिवाइसी लघुवित्त वित्तीय संस्था र सुर्योदय ओमी लघुवित्त वित्तीय संस्थाका लगानीकर्ताले ९.९९ प्रतिशतले कमाएका छन् ।
आज सबैभन्दा धेरै गुमाउनेमा ग्लोबल आइएमई बैंकका लगानीकर्ता छन् । यस कम्पनीको सेयर मूल्य .८९ प्रतिशतले घटेको छ ।
