काठमाडौं । नेपाल स्टक एक्सचेन्ज (नेप्स)मा थप ४ कम्पनीको बोनस सेयर सूचीकृत भएको छ ।
नेप्सेमा मंगलबार नेपाल पुनर्बीमा कम्पनी, एनएलजी इन्स्योरेन्स, प्रभु इन्स्योरेन्स र नेशनल हाइड्रोपावरको बोनस सेयरसूचीकृत भएको हो ।
नेप्सेमा एनएलजी इन्स्योरेन्सले गत वर्षको नाफाबाट वितरण गरेको १० प्रतिशत बोनस सेयर (१२ लाख ६ हजार ३१.०५ कित्ता), प्रभु इन्स्योरेन्सको ११ प्रतिशत (१२ लाख ७८ हजार ९२.५६ कित्ता) बोनस सेयर सूचीकृत भएके हो ।
त्यसैगरी, नेपाल पुनर्बीमा कम्पनीको १६.५ प्रतिशत (१ करोड ६५ लाख कित्ता) र नेशनल हाइड्रोपावरको १८.५२ प्रतिशत (२५ लाख ६६ हजार ५७.४३ कित्ता) बोनस सूचीकृत भएको हो ।
नेप्सेमा सूचीकृत बोनस सेयर सम्बन्धित सेयरधनीहरुको डिम्याट खातामा जम्मा भएपछि मात्र दोस्रो बजारमा खरिदविक्री गर्न सक्नेछन् ।
