काठमाडौं । सीवाइसी नेपाल लघुवित्त वित्तीय संस्थाको सेयर नेपाल स्टक एक्स्चेञ्ज (नेप्से)मा सूचीकृत भएको छ ।
नेप्सेमा लघुवित्तको ३ लाख ९५ हजार ३३६ कित्ता साधरण सेयर (आइपीओ) र संस्थापक समूहको ८ लाख २१ हजार ८२ कित्ता गरी कुल १२ लाख १६ हजार ४१८ कित्ता सेयर सूचीकृत भएको हो ।
नेप्सेमा सूचीकृत भएसँगै सोमबारदेखि लघुवित्तको सेयर दोस्रो बजारमा कारोबारमा आउने छ । सेयर कारोबारका लागि नेप्सेले CYCL संकेत चिह्न प्रदान गरेको छ ।
लघुवित्तको सेयर कारोबारका लागि नेप्सेले न्यूनतम ३४४.३६ रुपैयाँ र अधिकतम १०३३.०८ रुपैयाँ ओपनिङ्ग रेञ्ज तोकेको छ । यही रेञ्जको बीचमा लघुवित्तको सेयर कारोबार खुल्नेछ । यदि अधिकतम रेञ्जमा कारोबार खुलेमा पहिलो कारोबार नै प्रतिकित्ता १०३३.०८ रुपैयाँमा हुनेछ ।
