काठमाडौं । राधी विद्युत कम्पनीले १४७ प्रतिशत हकप्रद सेयर निष्काशन गर्ने प्रक्रया अघि बढाएको छ ।
कम्पनीले हाल कायम चुक्ता पूँजीको १ः१.४७५२ अनुपातमा हकप्रद जारी गर्न अनुमति माग्दै धितोपत्र बोर्डमा आवेदन दिएको हो । कम्पनीले प्रतिकित्ता १०० रुपैयाँ दरले ९५ करोड ३५ लाख ७६ हजार ९०० रुपैयाँ बराबरको ९५ लाख ३५ हजार ७६०.९९ हजार कित्ता हकप्रद सेयर विक्री गर्न अनुमति मागेको हो ।
कम्पनीको हकप्रद सेयर निष्काशन तथा विक्री प्रबन्धक मुक्तिनाथ क्यापिटल रहेको छ । कम्पनीले यस अघि विद्युत् नियमन आयोगबाट हकप्रद जारी गर्न पूर्व स्वीकृति पाइसकेको छ ।
अब बोर्डले अनुमति दिएपछि मात्र राधीले हकप्रद जारी गर्नेछ ।
