काठमाडौं । ‘नेपालका भाषा र सरकारी कामकाज’ नामक पुस्तक सार्वजनिक भएको छ । उक्त किताब विभिन्न विषयमा अनुसन्धानमूलक काम गर्दै आइरहेको संस्था फ्याक्टस् नेपालले प्रकाशन गरेको हो ।
उक्त किताब त्रिभुवन विश्वविद्यालय भाषा विज्ञान केन्द्रीय विभागमा कार्यरत भीम नारायण रेग्मीले लेखेका हुन् ।यस पुस्तकको वितरण भने बी लिडरे गर्दैछ। ३३० पेजको यो पुस्तकको मूल्य १ हजार १०० रुपैयाँ तोकिएको छ।
यो किताबमा नेपालमा भाषाको इतिहास र वर्तमान, प्रदेश र स्थानीय तहमा बोलिने भाषा, स्थानीय तहको मातृभाषा, भाषा नीति र नेपालको सरकारी कामकाज, सरकारी कामकाजमा भाषाको प्रयोग र उपयुक्त विकल्प जस्ता अनुसन्धान पश्चात तार्किक र तथ्यपरक सामाग्री समेटिएको छ ।
यस्तै, ७५३ वटै निकायमा बोलिने भाषा सम्बन्धी विस्तृत तथ्याङ्क समेटिएको छ। यो पुस्तक किताब यात्रा, बुक कर्नर, थुप्रै डट कम लगायत अनलाइन बाट पनि मगाउन सकिन्छ।
