काठमाडौं । तेह्रथुम पावर कम्पनीको वित्तीय अवस्थामा सुधार आएको छ । कम्पनीको विद्युत विक्रीबाट प्राप्त हुने आम्दानी बढेसँगै नोक्सानी घटेको हो ।
कम्पनीले शुक्रबार सार्वजनिक गरेको चालु आर्थिक वर्षको तेस्रो त्रैमासको अपरिष्कृत वित्तीय अनुसार चैतसम्म ५ लाख १२ हजार रुपैयाँ नोक्सानीमा रहेको छ । जबकी गत वर्षको सोही अवधिमा कम्पनीको नोक्सानी ४ करोड ३८ लाख रुपैयाँ थियो ।
कम्पनीले बिजुली विक्रीबाट हुने आम्दानी दोब्बरले बढेरे ५ करोड २५ लाख रुपैयाँबाट १० करोड ६३ लाख रुपैयाँ पुगेको छ ।
हाल यसको ४० करोड रुपैयाँ चुक्ता पूँजी रहेको कम्पनीको रिजर्भ कोष भने ९ करोड ७७ लाख रुपैयाँ ऋणात्मक छ । समीक्षा अवधिमा कम्पनीको प्रतिसेयर आम्दानी ०.१७ रुपैयाँ ऋणात्मक छ भने प्रतिसेयर नेटवर्थ ७६ रुपैयाँ रहेको छ ।
कम्पनीले हाल तेह्रथुम जिल्लामा ७.५ मेगावाटको अपर खोरुङ स्मल हाइड्रोपावर प्रोजेक्ट निर्माण गरिरहेको छ ।
