काठमाडौं । भक्तपुरस्थित हनुमन्ते खोलामा निर्माणाधीन पक्की पुल भासिएको छ । मध्ययपुर थिमि–४ र सूर्यविनायक–५ जोड्ने शंखरचोकबाट दक्षिणतर्फको हनुमन्ते खोलामा निर्माण भइरहेको पक्की पुल यस साता वर्षासँगै आएको बाढीले क्षति पुर्याएको हो ।
बाढीले पुलको फर्म अड्याउन बनाइएको बेसमेन्ट बगाउँदा पुलको बीचभाग लच्किएको हो। पुलमा अहिले ढलान गर्नका लागि डण्डीहरु मिलाउने काम भइरहेको थियो । उक्त पुल चाँडै नै ढलान गर्ने तयारी गरिएको छ ।
यो पुललाई गत वर्षको बाढीले पनि क्षति पुर्याएको स्थानीय बताउँछन् । ठेकेदारको लापरबाही र ढिलासुस्तीका कारण यो अवस्था सृजना भएको जनताको गुनासो छ ।
