काठमाडौं । नेपाल स्टक एक्सचेन्ज (नेप्स)मा थप दुई कम्पनीको बोनस सेयर सूचीकृत भएको छ । नेप्सेमा सोमबार हिमालयन जनरल इन्स्योरेन्स र समता घरेलु लघुवित्त वित्तीय संस्थाको बोनस सेयर सूचीकृत भएको हो ।
नेप्सेमा हिमालयनले गत वर्षको नाफाबाट वितरण गरेको ६.६५ प्रतिशत बोनस बापतको ७ लाख ३१ हजार ७२४ कित्ता बोनस सेयर सूचीकृत भएको हो ।
त्यस्तै, समता घरेलु लघुवित्तको २० प्रतिशत अर्थात् ५ लाख ७१ हजार २४०.३२ कित्ता बोनस सेयर सूचीकृत भएको हो ।
दुवै कम्पनीहरुको बोनस सेयर सम्बन्धित सेयरधनीहरुको डिम्याट खातामा जम्मा भएपछि मात्र दोस्रो बजारमा खरिदविक्री गर्न सक्नेछन् ।
