काठमाडौं । सगरमाथा इन्स्योरेन्सको लाभांश पाउन सेयर किन्ने आज (वैशाख १५ गते) अन्तिम दिन रहेको छ । इन्स्योरेन्सले गत आर्थिक वर्षको मुनाफाबाट घोषणा गरेको २१.०५ प्रतिशत लाभांश सुरक्षित गर्ने आज अन्तिम दिन हो ।
कम्पनीले साधरणसभा प्रयोजनका लागि भोलि (वैशाख १६ गते) बुकक्लोज मिति तोकेको छ । तसर्थ, आजसम्म नेप्सेमा कारोबार भइ कायम रहने सेयरधनीले मात्र प्रस्तावित लाभांश पाउने छन् ।
इन्स्ययोरेन्सले गत आर्थिक वर्ष २०७७/७८ को मुनाफाबाट २० प्रतिशत बोनस सेयर र कर प्रयोजनका लागि १.०५ प्रतिशत नगद गरी कुल २१.०५ प्रतिशत लाभांश वितरण गर्ने प्रस्ताव गरेको छ । उक्त लाभांश पारित गर्न कम्पनीले वैशाख २८ गते २५ औं वार्षिक साधरण सभा बोलाएको छ ।
प्रस्तावित लाभांश कम्पनीको साधरण सभाले पारित गरेपछि सेयरधनीले पाउनेछन् ।
