काठमाडौं । डिजिटल भुक्तानी सेवा प्रदायक कनेक्ट आइपीएसले नयाँ वर्ष अफर ल्याएको छ । कनेक्टले वैशाख १ गतेदेखि ३१ गतेसम्म लागू हुने गरी नयाँ वर्ष अफर ल्याएको हो ।
अफर अन्तर्गत बैंक वित्तीय संस्थाका ग्राहकले कनेक्ट आइपीएसमा रजिष्टर गरी, कम्तीमा एउटा खाता लिंक गरी त्योे खाता बैंकबाट भेरिफाइ गराउँदा त्यही खातामा १०० रुपैयाँ क्यासब्याक पाउने छन् ।
त्यसैगरी, ११ जना भाग्यमानी विजेताले माउन्टेन फ्लाइटको कपल टिकेट जित्ने मौका पनि प्राप्त गर्न सक्ने कम्पनीले जनाएको छ । बैंकका ग्राहकले कनेक्ट आइपीएसमा वा यसको मोबाइल एप मार्फत रजिष्टर गरी आफ्नो खाता लिंक गरी नजिकैको बैंक शाखाबाट वा अनलाइनबाटै सेल्फ भेरिफिकेशन गराउन सक्नेछन् ।
पहिले नै युजर बनाएर पहिलो खाता लिंक र भेरिफाइ गराउने बैंक ग्राहकले पनि यो अफर अन्तर्गत १०० रुपैयाँ भेरिफाइ गरिएको खातामा प्राप्त गर्न सक्दछन् । अफर अन्तर्गत छनोट हुने ११ भाग्यशाली विजेताहरुको घोषणा एनसीएचएलको अफिसियल पेजबाट गरिने छ।
