काठमाडौं । सेञ्चुरी कमर्सियल बैंक लिमिटेडको प्रमुख कार्यकारी अधिकृत (सीईओ) पदमा मनोज न्यौपाने नियुक्त भएका छन् । संचालक समितिको चैत ३० गते बसेको बैठकले न्योपानेलाई ४ वर्षका लागि बैंकको सीईओमा नियुक्त गरेको हो ।
उनी यसअघि सेञ्चुरी बैंकमा कायम मुकायम प्रमुख कार्यकारी अधिकृतको रूपमा कार्यरत थिए । काठमाडौं विश्वविद्यालयबाट एमबीए (स्नातकोत्तर) गरेका उनले बैंकिंङ्ग क्षेत्रमा १९ वर्षभन्दा बढीको अनुभव हासिल गरेका छन् ।
उनी बैंक व्यवस्थापन, संचालन तथा व्यवसाय प्रर्बद्धनका क्षेत्रमा विशेष दख्खल राख्ने प्रष्ट वक्ता, कर्मर्सियल बैंकिंङ्ग तथा लेखा क्षेत्रमा सैद्धान्तिक एवं व्यवहारिक विज्ञता हासिल गरेका एक अनुभवी र कुशल व्यवस्थापकको रूपमा चिनिन्छन् ।
