काठमाडौं । जीवन विकास लघुवित्त वित्तीय संस्थाले लाभांश पारित गर्न वार्षिक साधरण सभा डाकेको छ । लघुवित्तले गत आर्थिक वर्ष २०७७/७८ को मुनाफाबाट घोषणा गरेको ७३.६८ प्रतिशत लाभांश पारित गर्न चैत २५ गते तेस्रो वार्षिक साधरण सभा डाकेको हो ।
लघुवित्तले गत आवको नाफाबाट ७० प्रतिशत बोनस सेयर र कर प्रयोजनका लागि ३.६८ प्रतिशत नगद गरी कुल ७३.६८ प्रतिशत लाभांश विवतरण गर्ने प्रस्ताव गरेको छ ।
लघुवित्तले सभा प्रयोजनका लागि चैत १२ गतेदेखि २५ गतेसम्म बुकक्लोज मिति तोकेको छ । तसर्थ, चैत ११ गतेसम्म नेप्सेमा कारोबार भइ कायम रहेका सेयरधनीले प्रस्तावित लाभांश पाउने छन् ।उक्त लाभांश लघुवित्तको साधरण सभाले पारित गरेपछि मात्र सेयरधनीले पाउने छन् ।
लघुवित्तले सभामा गत आर्थिक वर्षको वार्षिक प्रतिवेदन पेश गर्ने, नोक्सान हिसाव पेश गर्ने, चालु आर्थिक वर्षका लागि लेखापरीक्षक नियुक्त गर्ने, चुक्ता पूँजी र अधिकृत पूँजी वृद्धि गर्ने लगायत एजेन्डा लैजाने भएको छ ।
