काठमाडौं । यातायात व्यवस्था विभागले चैत १ गते (आज)देखि सवारीचालक अनुमतिपत्र (ड्राइभिङ लाइसेन्स) को अनलाइन आवेदन बन्द गरेको छ । विभागले हालसम्म परेको आवेदनको यथासक्य चाँडो काम सकाउन केही समयका लागि अनलाइन आवेदन बन्द गरेको हो ।
‘हालसम्म परेको अनलाइन आवेदनहरुको कारवाही यथाशक्य चाँडो टुङ्ग्याउनुपर्ने भएकाले यही मिति २०७८ चैत्र १ गतेदखि अर्को सूचना प्रकाशन नभएसम्मका लागि सावरी चालक अनुमति पत्रको अनलाइन आवेदन प्रणाली बन्द रहने व्यहोरा सम्बन्धित सबैको जानकारी गराइन्छ,’ विभागले जारी गरेको सूचनामा भनिएको छ ।
विभागका अनुसार हालसम्म करिब ६ लाखभन्दा धेरै अनलाइन आवेदन परेको र यसलाई टुङ्याउनका लागि केही समय लाग्ने भएका कारण नयाँ आवेदन बन्द गरिएको हो ।
अर्को सूचना प्रकाशन नभएसम्म अनलाइन आवेदन बन्द रहने विभागले जनाएको छ ।
