काठमाडौं, २७ फागुन । नेपाल स्टक एक्सचेञ्ज लिमिटेड (नेप्से)ले विभिन्न पदमा कर्मचारी माग गरेको छ । नेप्सेले शुक्रबार एक सूचना प्रकाशित गर्दै दरखास्तका लागि आह्वान गरेको हो ।
नेप्सेले छैठौँ तहको अधिकृतदेखि दशौँ तहको प्रबन्धकसम्मका विभिन्न पदमा कर्मचारी माग गरेको छ ।
योग्यता पुगेका इच्छुकले सूचना प्रकाशित भएको मितिले २१ दिनभित्र र थप ७ दिनसम्म दोब्बर दस्तुर तिरेर आवेदन दिन सक्नेछन् । दरखास्त फारम नेप्सेको वेवसाइटबाट डाउनलोड गर्न सकिनेछ ।
आठौंदेखि दशौं तहका लागि २ हजार ५०० रुपैयाँ, सातौं तहका लागि २ हजार र छैटौं तहका लागि १ हजार ५०० रुपैयाँ दस्तुर लाग्नेछ।
