काठमाडौं । नेपाल वायुसेवा निगम (नेपाल एयरलाइन्स)ले काठमाडौं-दिल्ली रुटमा अब दैनिक दुई उडान गर्ने भएको छ ।
भारत सरकारले एयर बबल सम्झौता खारेज गर्दै सबै प्रकारका व्यवसायिक उडान खुला गरेसँगै नेपाल एयरलाइन्सले दिल्लीका लागि दैनिक दुई उडान गर्ने भएको हो ।
निगमका अनुसार आगामी मार्च १४ मार्च (फागुन ३० गते) देखि उक्त रुटमा दैनिक दुई उडान गर्नेछ । हाल निगमले यस रुटमा दैनिक एक उडान गर्दै आएको छ ।निगमले दिल्ली दैनिक दुई उडान गर्ने भएसँगै हवाई भाडा समेत सस्तिने भएको छ ।
अहिले भारत उडान गर्ने निगम एक्लो नेपाली कम्पनी हो । आगामी दिनमा बुद्ध एयरले भारतको बनारसमा पुनः उडान सुरु गर्ने तयारी गरिरहेको छ ।
अहिले भारतबाट भारतीय विमान कम्पनीहरु भिस्तारा एयर, इण्डिगो एयर र एयर इण्डियाले नियमित नेपाल उडान गरिरहेका छन् । ।
