काठमाडौं । राष्ट्र उत्थान लघुवित्त वित्तीय संस्थाको प्राथमिक साधरण सेयर (आइपीओ) बाँडफाँट भएको छ ।कम्पनीको सेयर निष्काशन तथा विक्री प्रबन्धक एनआइबील एल क्यापिटलले बिहीबार दिउँसो साढे ३ बजे कम्पनीको आइपीओ बाँडफाँट गरेको हो ।
क्यापिटलका अनुसार गोलाप्रथाबाट भाग्यमानी ७९ हजार ४५० जनाले १० कित्ता दरले सेयर हात पारेका छन् । कम्पनीको आइपीओमा आवेदन दिएका २४ लाख ९९ हजार ९५२ जनाको हात रित्तो भएको क्यापिटलले जनाएको छ ।
लघुवित्तको आइपीओमा कुल २५ लाख ८५ हजार २६१ जना आवेदकले २ करोड ९४ लाख ६७ हजार २१० कित्ता सेयरका लागि आवेदन दिएका थिए । सोमध्ये ५ हजार ८५९ जनाको आवेदन रद्द भएको छ भने योग्य २५ लाख ७९ हजार ४०२ जनालाई गोलाप्रथामा सहभागी गराइएको क्यापिटलले जनाएको छ ।
लघुवित्तले फागुन ४ गतेदेखि प्रतिकित्ता १०० रुपैयाँ दरले ८ करोड ५० लाख रुपैयाँ बराबरको ८ लाख ५० हजार कित्ता सेयर विक्रीम ल्याएको थियो । जसमा १३ हजार कित्ता संस्थाका कर्मचारी, ४२ हजार ५०० कित्ता सामूहिक लगानी कोषहरु र ७ लाख ९४ हजार ५०० कित्ता सर्वसाधरणका लागि छुट्याइएको थियो ।
कहाँबाट हेर्ने रिजल्ट ?
कम्पनीको आइपीओको रिजल्ट ३ ठाउँबाट हेर्न सकिने छ । लगानीकर्ताले https://iporesult.cdsc.com.np/ मा गएर १६ अंकको डिम्याट नम्बर हालेपछि सजिलै हेर्न सक्नेछन् ।
यसैगरी, विक्री प्रबन्धक एनआइबीएल एस क्यापिटल क्यापिटलको वेबसाइट र राष्ट्र उत्थान लघुवित्तको वेबसाइटबाट पनि नतिजा हेर्न सकिनेछ । यद्यपि, भर्खरै मात्र आइपीओ बाँडफाँड भएकाले नतिजा आउन केही समय लाग्ने जनाइएको छ ।
