काठमाडौं । निजी क्षेत्रको वायुसेवा प्रदायक यती एयरलाइन्सले ‘भ्यालेन्टाइन डे’को अवसरमा आकर्षक अफर ल्याएको छ । एयरलाइन्सले विशेषगरी जोडीहरुलाई लक्षित गर्दै माउन्टेन फ्लाइटमा आकर्षक योजना ल्याएको हो ।
कम्पनीका अनुसार भ्यालेन्टाइन डेका दिन माउन्टेन फ्लाइटमा एउटा टिकट किन्दा अर्को सित्तमै दिने भएको छ । ९ हजार ८४८ रुपैयाँमै माउन्टेन फ्लाइटको टिकट खरिद गर्दा अर्को टिकट सित्तमै उपलब्ध गराउने एयरलाइन्सले जनाएको छ । सो रकमा एउटा झ्यालपट्टीको र अर्को झ्याल नभएको सिट पाइने छ ।यस्तै, झ्यालपट्टीको एउटा मात्र टिकटको मूल्य ८ हजार ८४८ रुपैयाँ तोकिएको कम्पनीले जनाएको छ ।
यो दिन माउन्टेन फ्लाइट गर्ने भाग्यशाली जोडीले गोकर्ण फरेष्ट रिसोर्टमा निःशुल्क बेड एण्ड ब्रेकफास्ट सहितको नाइट स्टे सुविधा लिन सक्ने कम्पनीले जनाएको छ । यस्तै, सो दिन यात्रुले १५ प्रतिशत छुट पाउने कम्प्नीले जनाएको छ ।
भ्यालेन्टाइन डेका दिन हुने माउन्टेन फ्लाइटमा कलाकार स्वस्तिमा खड्काको सहभागिता रहने एयरलाइन्सले जनाएको छ ।
