काठमाडौं । बुद्धभूमि नेपाल हाइड्रोपावरको प्राथमिक साधारण सेयर (आइपीओ) नेपाल स्टक एक्सचेन्ज (नेप्से)मा सूचीकृत भएको छ ।
आइतबार कम्पनीको ४० लाख कित्ता सेयर नेप्सेमा सूचीकृत भएको हो । कम्पनीले सर्वसाधारणको ८ लाख कित्ता, आयोजना प्रभावित क्षेत्रका स्थानीयको ४ लाख कित्ता र संस्थापकहरुको २८ लाख कित्ता सेयर सूचीकृत गरेको हो ।
नेप्सेमा सूचीकृत भएसँगै सोमबारदेखि बुद्धभूमिको सेयर दोस्रो बजारमा कारोबारमा आउने भएको छ । यद्यपि, प्रिसेसनमा कम्पनीको सेयर कारोबार नभएमा सो दिन कारोबार हुने छैन् ।
कम्पनीले दोस्रो बजारमा कारोबारका लागि नेप्सेले BNHC संकेत चिह्न प्रदान गरेको छ । बुद्धभूमिले पहिलो कारोबारका लागि नेप्सेले न्यूनतम ८४.०५ रुपैयाँदेखि अधिकतममा २५२.१५ रुपैयाँ ओपनिङ रेन्ज तोकेको छ । यही सीमा भित्र रहेर कम्पनीको पहिलो सेयर कारोबार हुनेछ ।
