काठमाडौं । जानकी फाइनान्सले गत आर्थिक वर्ष २०७७/७८ को मुनाफाबाट लाभांश घोषणा गरेको छ ।
फाइनान्स सञ्चालक समितिको पुस २७ गते बसेको बैठकले गत आवको वितरण योग्य मुनाफाबाट सेयरधनीलाई १५ प्रतिशत बोनस सेयर र कर प्रयोजनका लागि ०.७८ प्रतिशत नगद गरी कुल १५.७८ प्रतिशत लाभांश दिने प्रस्ताव गरेको हो ।
फाइनान्सले प्रस्ताव गरेको यो लाभांश पछिल्लो ५ वर्ष यताकै कम हो । यसअघि फाइनान्सले आर्थिक वर्ष २०७२/७३ को मुनाफाबाट १० प्रतिशत लाभांश् दिएको थियो । त्यसयता फाइनान्सले १८ प्रतिशतभन्दा कम लाभांश दिएको पहिलो पटक हो ।
प्रस्तावि लाभांश नियामक निकाय नेपाल राष्ट्र बैंकको स्वीकृति र कम्पनीको आगामी वार्षिक साधारण सभाबाट पारित भएपछि सेयरधनीहरुले पाउनेछन् ।
