काठमाडौं । लगातार उकालो लाग्दै आएको सुनको मूल्य साताको उत्तरार्धमा भने केही ओरालो लागेको छ । नेपाल सुनचाँदी व्यवसायी महासङ्घका अनुसार आज छापावाला, तेजाबी सुन र चाँदीको मूल्यमा उच्च गिरावट आएको छ ।
महासङ्घका अनुसार आज सुन तोलाको १ हजार ४०० रुपैयाँ र चाँदी प्रतितोला ४० रुपैयाँले घटेको छ ।स्थानीय बजारमा शुक्रबार छापावाला सुनको मूल्य ७२ हजार रुपैयाँ कायम गरिएको छ ।
बिहीबार छापावाला सुन प्रतितोला ७३ हजार ४०० रुपैयाँमा कारोवार भएको थियो । बिहीबार पनि छापावाल सुन प्रतितोला १०० रुपैयाँले घटेको थियो ।
त्यस्तै, तेजाबी सुनको मूल्य ७१ हजार ७०० तोकिएको छ । बिहीबार तेजाबी सुन प्रतितोला ७३ हजार १०० रुपैयाँमा कारोवार भएको थियो । यस्तै चाँदीको मूल्य ९०० कायम गरिएको महासङ्घले जनाएको छ । बिहीबार चाँदी प्रतितोला ९४० खरीदबिक्री भएको थियो ।
