काठमाडौं । रिलायन्स फाइनान्सले गत आर्थिक वर्ष २०७७/७८ को मुनाफाबाट लाभांश घोषणा गरेको छ ।
कम्पनी सञ्चालक समितिको पुस २ गते बसेको बैठकले गत आवको वितरण योग्य मुनाफाबाट सेयरधनीलाई १५ प्रतिशत बोनस सेयर र कर प्रयोजनका लागि ०.७९ प्रतिशत नगद गरी कुल १५.७९ प्रतिशत लाभांश दिने प्रस्ताव गरेको हो ।
कम्पनीले घोषणा गरेको लाभांश पछिल्लो ६ वर्ष यताकै धेरै हो । यसअघि कम्पनीले आर्थिक वर्ष भने अघिल्लो आर्थिक वर्ष २०७२/७३ मा पनि १५.७९ प्रतिशत लाभांश दिएको थियो । त्यसयता १२.६३ प्रतिशतभन्दा बढी लाभांश दिएको थिएन ।
प्रस्तावित लाभांश नियामक निकाय नेपाल राष्ट्र बैंकको स्वीकृति र कम्पनीको आगामी वार्षिक साधारण सभाबाट पारित भएपछि सेयरधनीहरुले पाउनेछन्।
