काठमाडौं । सेञ्चुरी कमर्शियल बैंकले आर्थिक वर्ष २०७७/७८ को मुनाफाबाट लाभांश घोषणा गरेको छ ।
बैंक सञ्चालक समितिको पुस २ गते बसेको बैठकले गत आवको वितरण योग्य मुनाफाबाट सेयरधनीलाई ५.७५ प्रतिशत बोनस सेयर र कर प्रयोजनका लागि ०.३ प्रतिशत नगद गरी कुल ६.०५ प्रतिशत लाभांश दिने प्रस्ताव गरेको हो ।
बैंकले घोषणा गरेको लाभांश अहिलेसम्मकै कम हो । यसअघि बैंकले आर्थिक वर्ष २०७४/७५ मा सबैभन्दा कम ६.५ प्रतिशत लाभांश दिएको ।
प्रस्तावित लाभांश नियामक निकाय नेपाल राष्ट्र बैंकको स्वीकृति र बैंकको आगामी वार्षिक साधारण सभाबाट पारित भएपछि सेयरधनीहरुले पाउनेछन्।
