काठमाडौं । भोजपुरको उत्तरी र दक्षिणी क्षेत्र जोड्ने कावा खोला पुल निर्माणाधीन अवस्थामै भाँच्चिएको छ । स्वीस सरकारको आर्थिक सहयोगमा निर्माण भइरहेको सो मोटरेबल पक्की पुलको आइतबार स्टिल ट्रसको संरचना बीच भागमै भाँच्चिएको हो ।
सो पुलको भूकम्प प्रतिरोधी र ८० वर्ष टिक्ने दाबी गरिएको भए पनि निर्माणकै क्रममा ढलेको हो । २०७६ फागुनमा शिलान्यास गरिएको उक्त पुलको लागत ५ करोड रुपैयाँ रहेको छ ।
४५ मिटर लामो र ६ मिटर चौडाइको उक्त पुल दुवैतर्फ १.२० मिटरको पैदल हिँड्न मिल्ने गरी निर्माण भइरहेको थियो।
भोजपुरको उत्तर-दक्षिण जोड्दै सङ्खुवासभाको किमाथाङ्कासम्म कालोपत्र गर्ने लक्ष्यसहित निर्माण थलिएको पुल निर्माणकै चरणमा ढलेपछि स्थानीय निरास बनेका छन् ।
