काठमाडौं । वोमी लघुवित्त वित्तीय संस्थाले आर्थिक वर्ष २०७७/७८ को मुनाफाबाट लाभांश घोषणा गरेको छ ।
लघुवित्त सञ्चालक समितिको बिहीबार बसेको बैठकले गत आवको वितरण योग्य मुनाफाबाट सेयरधनीलाई २० प्रतिशत बोनस सेयर लाभांश दिने प्रस्ताव गरेको हो । गत वर्ष ग्रामीण स्वयंसेवक लघुवित्तलाई गाभेको वोमीले कर छुट पाउने भएकाले नगद भने छुट्याएको छैन ।
लघुवित्तले घोषणा गरेको लाभांश अघिल्लो आर्थिक वर्ष २०७६/७७ कोभन्दा १० प्रतिशत कम हो । लघुवित्तले सो आवमा ३० प्रतिशत बोनस सेयर लाभांश दिएको थियो ।
लघुवित्तले प्रस्ताव गरेको लाभांश नियामक निकाय नेपाल राष्ट्र बैंकको स्वीकृति र कम्पनीको आगामी वार्षिक साधारण सभाबाट पारित भएपछि सेयरधनीहरुले पाउनेछन् ।
