काठमाडौं । सूर्योदय लघुवित्त वित्तीय संस्थाले आर्थिक वर्ष २०७७/७८ को मुनाफाबाट लाभांश घोषणा गरेको छ ।
लघुवित्त सञ्चालक समितिको बिहीबार बसेको बैठकले गत आवको वितरण योग्य मुनाफाबाट सेयरधनीलाई २० प्रतिशत बोनस सेयर लाभांश दिने प्रस्ताव गरेको हो ।
लघुवित्तले घोषणा गरेको लाभांश अघिल्लो आर्थिक वर्ष २०७६/७७ कोभन्दा ३.८५ प्रतिशत बढी हो । लघुवित्तले सो आवमा १५.३४ प्रतिशत बोनस र ०.८० प्रतिशत नगद गरी कुल १६.१५ प्रतिशत लाभांश दिएको थियो ।
लघुवित्तले प्रस्ताव गरेको लाभांश नियामक निकाय नेपाल राष्ट्र बैंकको स्वीकृति र कम्पनीको आगामी वार्षिक साधारण सभाबाट पारित भएपछि सेयरधनीहरुले पाउनेछन् ।
