काठमाडौं । निजी क्षेत्रको वायुसेवा प्रदायक यती एयरलाइन्सले यात्रुलाई आकर्षित गर्न फेरि सस्तो टिकट अफर ल्याएको छ ।
यसअघि पनि पटक पटक यस्तो अफर ल्याएको कम्पनीले जनकपुर र भैरहवाका लागि सस्तो टिकट अफर ल्याएको हो ।
एयरलाइन्सले मोबाइल एपबाट प्रोमो कोड प्रयोग गरी यी दुई गन्तव्यको टिकट सस्तो मूल्यमा किन्न सकिने जनाएको छ ।
एयरलाइन्सका अनुसार प्रोमो कोड प्रयोगगरी काठमाडौं-जनकपुर एकतर्फी टिकट १ हजार ६०० रुपैयाँ र काठमाडौं-भैरहवा एकतर्फी २ हजार ५०० रुपैयाँमा किन्न सकिने छ ।
यो अफर अक्टोबर २० र २१ (कात्तिक ३ र ४ गते) दुई दिनका लागि मात्र लागू हुने एयरलाइन्सले जनाएको छ ।
