काठमाडौं । सेयर बजारमा भीषण पहिरो गएको छ । बजार खलेदेखि ओरालो लागेको बजार २० मिनेट (११ः२० बजेसम्म)मै ७५ अंकले घटेको हो ।
पछिल्लो एक महिना यता ओरालो लागेको बजारले आज पनि आफ्नो उही यात्रा जारी राखेको हो । १ महिनाको अवधिमा नेप्से सूचक करिब ६०० अंकले घटिसकेको छ ।
नेपाल राष्ट्र बैंकले साउन अन्तिमा जारी गरेको मौद्रिक नीतिमार्फत सेयर धितो कर्जामा कडाई गरेपछि घट्न थालेको बजार अझै थामिएको छैन् ।
यस्तै, पछिल्लो समय राष्ट्र बैंकको नयाँ व्यवस्थाकै कारण बैंकिङ प्रणालीमा तरलता अभाव चुलिँदा पनि सेयर बजार प्रभावित बन्न पुगेको छ । तरलता अभावका कारण बैंकको ब्याजदर समेत उकालो लागेको छ । जसले बजारमा प्रत्यक्ष प्रभाव परेको हो ।
तत्काल बैंकिङ प्रणालीमा तरलता सहज हुने र सेयर कर्जाको सीमामा हेरफेर हुने सम्भावना देखिँदैन । यस्तै, दशैं नजिएकाले सबैलाई पैसाको जोहो गर्नुपर्ने हुँदा नयाँ लगानीकर्ता बजार प्रवेश गर्ने सम्भावना पनि देखिँदैन । यसले गर्दा तत्काल बजारमा सकरात्मक प्रभाव पर्ने सम्भावना देखिँदैन ।
