काठमाडौं । पछिल्लो समय लगातार ओरालो लागेको सेयर बजारले अझै आफ्नो लय समाउन सकेको छैन् । साताको पहिलो दिन आइतबारदेखि नै ओरालो लागेको बजारले आजपनि निरन्तरता दियो । दिनप्रतिदिन बजार घट्ने क्रम नरोकिएपछि लगानीकर्ताहरुमा निराशा बढ्दै गएको छ ।
सोमबार सेयर बजार मापक सूचक नेप्से ६.४९ अंकले घटेर १२०३.१३ विन्दुमा आइपुगेको छ । आज १७२ कम्पनीको ३८ करोड ५ लाख ९६ हजार ५७१ रुपैयाँको कारोबार भएको छ । १६ लाख ३ हजार ३२६ कित्ता सेयर खरिदबिक्री भएका छन् ।
कारोबार भएका ११ वटै समूहका सूचक ओरालो लागेका छन् । जीवन बीमा समूहको सूचक सबैभन्दा धेरै ६८.०३ अंकले घटेको छ । वाणिज्य बैंक समूह पनि ४.८५ अंकले तल झरेको छ ।
कारोबार रकमको आधारमा प्रभु बैंकको संस्थापक सेयर शीर्ष स्थानमा रह्यो । यसको १० करोड भन्दा बढीको कारोबार भएको हो । कारोबारकै आधारमा नबिल बैंक र नेपाल बैंक क्रमशः दोस्रो र तेस्रोमा रहेका छन् । नबिलको १ करोड ७९ लाख र नेपाल बैंकको १ करोड ६७ लाख रुपैयाँको सेयर खरिद–बिक्री भएको छ ।
आज साल्ट ट्रेडिङ कर्पोरेसनको मूल्य सबैभन्दा धेरै ४.८७% बढेको छ भने एनएलजी इन्सुरेन्सको सबैभन्दा धेरै ६.३३% ले घटेको छ ।
