काठमाडौँ । २०७२ को विनाशकारी भूकम्पले क्षतिग्रस्त भएको काष्ठमण्डप पुनर्निर्माणको काम अन्तिम चरणमा पुगेको छ । हालसम्म पुनर्निर्माणको ९५ प्रतिशत काम सम्पन्न भएको हो ।
काष्ठमण्डप पुनर्निर्माण समितिका अध्यक्ष राजेश शाक्यले काष्ठमण्डप पुनर्निर्माणको काम ९५ प्रतिशत सम्पन्न भएको जानकारी दिए ।
‘काष्ठमण्डप पुनर्निर्माणको काम अन्तिम चरणमा पुगेको छ, बाँकी रहेको काममध्ये छानो हाल्ने काम जारी छ त्यसपछि टेलीको काम हुन्छ, समग्रमा काष्ठमण्डप पुनर्निर्माणको काम ९५ प्रतिशत सम्पन्न भएको छ,’ श्रेष्ठले चाणक्य पोष्टसँग भने ।
श्रेष्ठका अनुसार कामपाको आर्थिक सहयोगमा साढे ११ करोड लागतमा काष्ठमण्डप पुनर्निर्माणको काम अन्तिम चरणमा पुगेको छ ।
काष्ठमण्डप पुनर्निर्माणको लागि काठमाडौँ महानगरपालिकाले प्रदेश सांसद राजेश शाक्यको अध्यक्षतामा २०७५ वैशाख १८ गते काष्ठमण्डप पुनर्निर्माण समिति गठन गरेको थियो ।
