काठमाडौं । संघीय संसद्को प्रतिनिधिसभा बैठकले बजेट सम्बन्धी तीन वटा अध्यादेश पारित गरेको छ ।
प्रमुख प्रतिपक्षी दल नेकपा एमालेको अवरोधका बीच शुक्रबार अर्थमन्त्री जनार्दन शर्माले पेश गरेको ३ वटा अध्यादेश पारित भएका हुन् ।
संसदको बैंठकले आर्थिक विधेयक, राष्ट्र ऋण उठाउने विधेयक र विनियोजन अध्यादेश बहुमतले पारित गरेको हो ।
ती अध्यादेशहरू सभामुख अग्निप्रसाद सापकोटाले निर्णयार्थ प्रस्तुत गर्दा बहुमतले स्वीकृत भएका हुन् ।