काठमाडौं । सेयर बजारमा भीषण पहिरो गएको छ । बजार खुलेदेखि निरन्तर ओरालो लागेको बजार १२ः१५ मिनेटसम्म ११० अंकले घटेको हो ।
नेपाल राष्ट्र बैंकले चालू आवको मौद्रिक नीति सार्वजसनिक गरे यता निरन्तर ओरालो लागेको बजारले आज पनि सो यात्रा जारी राखेको हो ।
राष्ट्र बैंकले मौद्रिक नीतिमार्फत एक व्यक्तिले सेयर धितोमा एउटा बैंकबाट ४ करोड र अन्यबाट गरी कुल १२ करोडभन्दा बढी ऋण लिन नपाउने व्यवस्था गरेको थियो । सेयर कर्जामा कडाइ गरेको थियो । त्यसको प्रभाव बजारमा पर्दा निरन्तर गिरावट आएको हो ।
मौद्रिक नीतिपछि नेप्से सूचकमा करिब ४०० अंकको गिरावट आइसकेको छ भने घट्ने क्रम रोकिएको छैन ।
निरन्तर बजार बजार घट्न थालेपछि लगानीकर्ता आत्तिन थालेका छन् । दैनिक बजार घटेपछि उनीहरुले घाटामै भए पनि सेयर बेच्न थालेको देखिन्छ ।
यसअघि पनि नियामक निकायहरुले अनेक फण्डा चलाएर बजार घटाउने गरेको र यसपटक पनि राष्ट्र बैंक सो अभियानमा सफल भएको लगानीकर्ताहरुको आरोप छ ।
