काठमाडौं । निजी क्षेत्रको वायुसेवा प्रदायक यती एयरलाइन्सले यात्रुलाई आकर्षित गर्न ‘जनै पूर्णिमा स्पेशल अफर’ ल्याएको छ ।
यसअघि पनि विभिन्न अफर ल्याएको कम्पनीले जनै पूर्णिमालाई लक्षित गर्दै ‘स्पेशल अफर’ ल्याएको हो । यसअफर अन्तर्गत मोबाइल एपबाट प्रोमो कोड प्रयोग गरी ३ गन्तव्यको टिकट सस्तो मूल्यमा किन्न सकिने छ ।
यति एयरलाइन्सका अनुसार प्रोमो कोड प्रयोगगरी काठमाडौं–विराटनगरको दुईतर्फी टिकट जम्मा २ हजार रुपैयाँमै काट्न सकिनेछ ।यसरुटको यो हवाईभाडा बसभाडाभन्दा पनि सस्तो छ । काठमाडौं–विराटनगर रुटको एकतर्फी बसभाडा मात्रै ११८७ रुपैयाँ छ ।
यस्तै, काठमाडौं–भद्रपुरको दुईतर्फी हवाईभाडा २२०० रुपैयाँ तोकिएको एयरलाइन्सले जनाएको छ । यस रुटको बसभाडा १३४५ रुपैयाँ रहेको छ ।
यसैगरी, एयरलाइन्सले जनै पूर्णिमाको अवसरमा काठमाडौं–नेपालगञ्जको दुईतर्फी जहाजभाडा २४०० रुपैयाँ तोकेको छ । यो हावाईभाडा पनि बसभाडाभन्दा सस्तो हो । यस रुटको बसभाडा १२८६ रुपैयाँ रहेको छ ।
यो अफर २ दिन आज र भोलि (अगस्ट २२ र २३ )सम्म मात्र लागू हुने एयरलाइन्सले जनाएको छ ।
