काठमाडौं । सिंगापुरको चाङ्गी एअरपोर्टलाई पछि पार्दै कतारको राजधानी दोहोमा रहेको हमाद अन्तराष्ट्रिय एयरपोर्ट सन् २०२१ को लागि उत्कृष्ट एयरपोर्टमा छानिएको छ ।
विगत एक दशकदेखि सिंगापुरको चाङ्गी एयरपोर्ट विश्वको अन्तराष्ट्रिय एयरपोर्ट मध्य उत्कृटताको पहिलो नम्बरमा रहेको थियो । स्काईट्रयाक्स नामक कम्पनीले यात्रीहरुको भोटिडका आधारमा वार्षिक रुपमा विश्वका उत्कृष्ट १०० एयरपोर्टहरुको र्याङ्कीङ गर्दै आएको छ ।
कतारको दोहास्थित हमाद अन्तर्राष्ट्रिय एयरपोर्ट विगतका वर्षहरुमा निरन्तर र्याङ्कीगमा अगाडि बडिरहेको थियो । कतारको सरकार तथा कतार एयरलाउन्सले हमाद एयरपोर्टलाई पहिलो स्थानमा पुर्याउनका लागि धेरै मिहेनत र लगानी गरेको छ । कतार एयरवेजका ट्रान्जीटका यात्रीहरुलाई कतार एयरपोर्टमा फ्रीसिटी टुर, सित्तैमा खाने तथा वस्ने सुविधाका साथै भीआइपी ट्रान्फरको सुविधा आदि रहेको छ । जसले गर्दा उक्त एयरपोर्ट मार्फत यात्रा गर्ने यात्रुहरुले एकदमै मनपराएका छन् ।
यस वर्षको र्याङ्कीङको दोस्रो स्थानमा जापानको राजधानी टोकियोको हानेदा एयरपोर्ट छानिएको छ । हानेदाका साथै पाँचौ नम्बरमा टोकियोकै अर्को नारीता एयरपोर्ट तथा नवौं नम्बरमा जापानको अर्को सहर ओशाकाको कन्साई एयरपोर्ट उत्कुष्ट १० एयरपोटमा पर्न सफल भएका छन् । धेरै वर्षदेखि पहिलो स्थानमा रहेको चाङ्गी एयरपोर्ट भने यस वर्षको र्याङ्कीङमा तेस्रो नम्बरमा धकेलिएको छ । चौथोमा कोरियाको इन्चोन अन्तर्राष्ट्रिय एयरपोर्ट, तथा दसौमा हङकङको अन्तर्राष्ट्रिय एयरपोर्ट छानिएको छ ।
यस वर्षको टप टेनमा एशियाका एयरपोर्टको वर्चस्व रहेतापनि क्रमशः छैठौंदेखि नवौं नम्बरसम्ममा युरोपका एयरपोर्टहरु पर्न सफल भएका छन् । जसमा छैठौं नम्बरमा जर्मनको म्युनिख सातौंमा स्वीटजरल्याण्डको जुरीच एयरपोर्ट तथा आठौंमा लण्डनको हिथ्रो अन्तर्राष्टिय एयरपोर्ट पर्न सफल भएका छन् ।
हाम्रो नजिककैको भारतको ४ वटा एयरपोर्टहरु भने टप १०० एयरपोर्टमा पर्न सफल भएका छन् । जसमा दिल्लीको एयरपोर्ट ४५ औं स्थानमा, हैदरावाद ६४ औं स्थानमा, मुम्बई ६५ औं स्थानमा तथा बेडलुरु एयरपोर्ट ७१ औं स्थानमा पर्न सफल भएका छन् । त्यस्तै चाइनाको ग्वान्जाव १४ औ स्थानमा, टर्किको स्तानबुल १७ औं स्थानमा, दुवई एयरपोर्ट १९ औं स्थानमा, चाइनाकै सांघाई २१ औं स्थानमा तथा जापानको फुकुओका २७ औं स्थानमा पर्न सफल भएका छन् ।
