काठमाडौं । सरकारले अघिल्लो सरकारको पालामा स्वास्थ्य सामग्री खरिदमा भएको अनियमितता बारे छानबिन गर्ने भएको छ । गठबन्धन सरकारले आज न्यूनतम साझा कार्यक्रम सार्वजनिक गर्दै यस्तो घोषणा गरेको हो ।
स्वास्थ्य सामग्री खरिदमा भएको अनियमितताको छानबिन गर्ने र दोषी देखिएका व्यक्ति तथा संस्थालाई कारबाही गर्ने न्यूनतम साझा कार्यक्रममा उल्लेख छ ।
यस्तै, सरकारले चैतसम्म सबै नेपाली नागरिकलाई निःशुल्क कोरोना खोप दिने घोषणा गरेको छ । साथै, नेपालमै कोरोना खोप उत्पादनका लागि पहल गर्ने बताइएको छ ।
यस्तै, लिम्पियाधुरा, लिपुलेक तथा कालापानीजस्ता सीमामा देखिएका समस्या कुटनीतिक तवरबाट हल गर्ने पनि कार्यक्रममा समावेश छ।
यस्ता छन् संयुक्त सरकारको साझा न्यूनतम कार्यक्रम
