काठमाडौं । युनाइटेड इन्सुरेन्सको २४०% हकप्रद आज (मंगलबार) बाट बिक्री खुला भएको छ । कम्पनीले १०० रुपैयाँ दरले हाल कायम रहेको चुक्ता पूँजी ३० करोड २४ लाख रुपैयाँको १ः२.४ अनुपातमा ७२ लाख ५७ हजार ६०० कित्ता हकप्रद सेयर खुल्ला गरेको हो ।
हकप्रद बिक्रीपछि कम्पनीको चुक्ता पूँजी १ अर्ब २ करोड ८१ लाख ६० हजार रुपैयाँ पुग्नेछ । यसको बिक्री प्रबन्धकको काम एनएमबि क्यापिटलले गर्नेछ ।
युनाइटेडको हकप्रदमा असोज ६ गतेसम्म आवेदन दिन पाइनेछ । साउन १३ गतेसम्म कायम सेयरधनी मात्र हकप्रद भर्न योग्य हुनेछन् ।
यो हकप्रदलाई रेटिङ एजेन्सी केयर रेटिङ नेपालले औसत भन्दा कम आधार जनाउने ग्रेड ४ रेटिङ प्रदान गरेको छ ।
यस हकप्रदमा सी–आस्वा सदस्यता लिएका बैंक तथा वित्तीय संस्थाहरुबाट आवेदन दिन सकिने कम्पनीले जनाएको छ ।युनाइटेडको सम्पूर्ण शाखा तथा बिक्री प्रबन्धक एनएमबि क्यापिटलबाट हकप्रदमा आवेदन दिन सकिनेछ ।एनएमबि बैंकको शाखा कार्यालयहरुबाट पनि आवेदन दिन सकिनेछ ।
यस्तै, गुडविल फाइनान्सको कार्यालय हात्तिसार, डिल्लीबजार, इन्द्रचोक, कुमारीपाटी शाखाबाट फारम पाइनेछ । सेन्ट्रल फाइनान्सको कुपन्डोल, चावहिल र च्याम्हासिंहको शाखाबाट पनि आवेदन दिन सकिनेछ ।
