काठमाडौं । काठमाडौं उपत्यकामा सवारीसाधनमा लगाइएको जोरबिजोर प्रणाली हट्ने भएको छ ।
आइतबार बसेको काठमाडौं, भक्तपुर र ललितपुर जिल्लाका प्रमुख जिल्ला अधिकारीको बैठकले असार २२ गतेदेखि लागू हुने गरी जोरबिजोर प्रणाली हटाएको हो ।
यससँगै अब हरेक दिन सबै नम्बरका सार्वजनिक तथा निजी सवारीसाधन संचालन गर्न पाइने भएको छ । यसअघि असार ७ देखि निजी र १५ गते २५ सिटभन्दा माथिका बस मात्र जोरबिजोर प्रणालीमा चल्न दिइएको थियो ।
सार्वजनिक यातायातमा सिट क्षमताभन्दा बढी यात्रु राख्न पाइने छैन भने यात्रुलाई मास्क अनिवार्य गरिएको छ । चालक र सहचाकलले मास्कका साथै भाइजर र पञ्जा पनि लगाउनुपर्नेछ ।
यस्तै सफा टेम्पो र निलो माइक्रोबसको हकमा तेर्सो सिटमा ४/४ जना र चालक छेउमा एक जना यात्रु राख्न पाइने छ ।
