काठमाडौं । सगरमाथा इन्स्योरेन्सले गत वर्षको नाफाबाट घोषणा गरेको लाभांश पाउन सेयर किन्ने आज अन्तिम दिन रहेको छ ।
इन्स्योरेन्सले असार ३० गते २४ औं वार्षिक साधरण सभा डाकेको छ । सभा प्रयोजनका लागि कम्पनीले असार १७ गते बुक क्लोज तोकेको छ । तसर्थ आजसम्म कायम रहने सेयरधनीले प्रस्तावित लाभांश पाउनेछन् ।
इन्स्योरेन्सले गत आर्थिक वर्ष २०७६/७७ को मुनाफाबाट सेयरधनीलाई ११ प्रतिशत बोनस सेयर र कर प्रयोजनका लागि ०.५८ नगद गरी कुल ११.५८ प्रतिशत लाभांश प्रस्ताव गरेको छ ।
प्रस्तावित लाभांश कम्पनीको आगामी साधारणसभाले पारित गरेपछि मात्र सेयरधनीहरुले पाउनेछन्।
