काठमाडौं । पछिल्लो समय लगातार ओरालो लाग्दै आएको सेयर बजार आज सुधार देखिएको छ । सोमबार सेयर बजार मापक सूचक नेप्से ७.२३ अंकले बढेर १२२२.०६ अंकमा पुगेको छ ।
नेप्से परिसूचक बढेपनि कारोवार रकममा भने उल्लेख्य सुधार हुन सकेन । आज कूल १७५ कम्पनीको १४ लाख ७७ हजार ४३५ कित्ता शेयर ३८ करोड ९६ लाख २५ हजार रुपैयाँमा खरीद बिक्री भए ।
आज कारोबार भएका ११ उपसमूहमध्ये निर्जीवन बीमा समूह बाहेक अन्य सबै समूहको सूचक उकालो लागेका छन् । निर्जीवन बीमा समूहको सूचक २९.७८ अंकले घटेको छ । आज सबैभन्दा धेरै जीवन बीमा समूहको सूचक जीवन बीमा ४४.३२ अंकले बढेको छ ।
यस्तै बैंकिङ ७.३३, होटल ४.७४, विकास बैंक १३.४३, जलविद्युत् १.१९, वित्त १.०७, उत्पादन ६.९१, अन्य ४.७२, लघुवित्त २१.५१, सामूहिक लगानी कोष समूहको सूचक ०.०१ अंकले बढेको छ ।
कारोवारका आधारमा आज सिद्धार्थ बैंक लिमिटेडको संस्थापक शेयर शीर्ष स्थानमा रहेको छ । सो बैंकको २ करोड ५८ लाख ३१ हजार ४२८ बराबरको सेयर कारोवार भएको छ ।
कारोवारका आधारमा नाडेप लघुवित्त वित्तीय संस्थाका शेयरधनीले ७.५० प्रतिशतले कमाउँदा सपोर्ट माइक्रोफाइनान्स ६.४७, ग्लोबल आइएमई लघुवित्त वित्तीय संस्था ६.१६, एक्सेल डेभलपमेन्ट बैंक ५.०९ र महिला सहयात्रा माइक्रोफाइनान्स वित्तीय संस्थाका शेयरधनीले ५.०३ प्रतिशतले कमाएका छन् ।
सानिमा इक्विटी फण्ड ३.५७, जोशी हाइड्रोपावर २.८९, युनाइटेड इन्स्योरेन्स २.५६, गुह्यश्वरी मर्चेन्ट बैंक एण्ड फाइनान्स २.५२, बरुण हाइड्रोपावर २.२२ र चिलिमे जलविद्युत् कम्पनीका शेयरधनीले १.९६ प्रतिशतले गुमाए ।
