काठमाडौं । करिब साढे २ महिनादेखि ओरालो लाग्दै गएको सेयर बजारमा आज पनि गिरावट आएको छ । सेयर बजार सूचक घटेपनि कारोबार रकमले भने साथ दिएकाे छ । हिजाेकाे तुलनामा मंगलबार काराेबार १७ करोडले बढेको छ ।
सेयर बजार मापक सूचक नेप्से मंगलबार २.७८ अंकले घटेर १२३१.०७ विन्दुमा अडिएको छ । १६५ कम्पनीको ४८ करोड १६ लाख १९ हजार ७६० रुपैयाँको कारोबार भएको छ । १८ लाख ९६ हजार ४५४ कित्ता सेयर खरिदबिक्री भएका छन् ।
नेप्सेमा कारोबार भएका ११ वटा समूहमध्ये म्युचुअल फन्ड बाहेक बाँकी सबै समूहका सूचक ओरालो लागेका छन् ।आज सबैभन्दा धेरै होटल समूहको सूचक २२.५२ अंकले घटेको छ ।
कारोबार रकमको आधारमा माछापुच्छ्रे बैंक शीर्ष स्थानमा रह्यो। यसको १२ करोड ९६ लाख रुपैयाँभन्दा बढीको कारोबार भएको छ ।
सबैभन्दा धेरै युनाइटेड मोदी हाइड्रोपावरको मूल्य ७.६२% ले बढेको छ भने एनएलजि इन्सुरेन्सको सबैभन्दा धेरै ३.७२% ले घटेको छ ।
