काठमाडौं । इमर्जिङ नेपाल लिमिटेडले प्राथमिक साधारण सेयर (आइपीओ) निष्काशन गर्ने भएको छ ।
कम्पनीले प्रतिकित्ता अंकित मूल्य १०० रुपैयाँ दरले ५ करोड ५५ लाख ६० हजार रुपैयाँ बराबरको ५ लाख ५५ हजार ६०० कित्ता साधारण सेयर विक्री गर्न लागेको हो ।
कम्पनीले आइपीओ निष्काशनका लागि एनआइसी एशिया क्यापिटल लिमिटेडलाई सेयर निष्काशन तथा विक्री प्रबन्धक नियुक्त गरेको छ ।
इमर्जिङ नेपाल विभिन्न क्षेत्रमा लगानी गर्ने कम्पनी हो । यसले नेपाल इन्फ्रास्ट्रक्चर बैंकमा समेत प्रमोटर सेयर होल्डरको रुपमा लगानी गरेको छ । निफ्रामा इमर्जिङको २५ करोड रुपैयाँ लगानी छ ।
