फर्स्ट माइक्रोफाइनान्सको १ लाख कित्ता सेयर २९५ रुपैयाँमा किन्ने अवसर !
चाणक्य पोष्ट
प्रकाशित : 12:09 pm, बुधबार, चैत २५, २०७७

काठमाडौं । फर्स्ट माइक्रोफाइनान्स डेभलपमेन्ट बैंकले संस्थापन (प्रमोटर) समूहको १ लाख कित्ता सेयर लिलामी आएको छ ।माइक्रोफाइनान्सका एकजना संस्थापक सेयरधनीले आफ्नो स्वामित्वमा रहेको १ लाख कित्ता सेयर विक्री गर्न लागेका हुन् ।

 

कम्पनीको सेयर किन्न इच्छुक लगानीकर्ताले न्यूनतम मूल्य प्रतिकित्ता २९५ रुपैयाँ नघटाई आफूले लिन चाहेको सेयर संख्य मूल्य तोकी गोप्य शिलबन्दी मार्फत आवेदन दिनु पर्नेछ ।

 

कम्पनीको लिलामी सेयरमा आगामी वैशाख २६ गतेसम्म शिलबन्दी बोलपत्र पेश गर्न सकिनेछ । आवेदकले न्यूनतम १०० कित्तादेखि अधिकतम सबै कित्ताका लागि आवेदन दिन सक्नेछन् ।

 

लिलामी सेयरमा विद्यमान संस्थापक सेयरधनीसहित अन्य इच्छुक व्यक्ति, फर्म कम्पनी तथा संगठित संस्थाहरुले आवेदन दिन सक्नेछन् ।इच्छुक लगानीकर्ताले बीओके क्यापिटल मार्केट, काठमाडौंबाट आवेदन दिन सक्नेछन् ।