काठमाडौं । बारम्बार समस्या आइरहने नेप्सेको अनलाइन प्रणाली (टीएमएस)मा आज पनि समस्या आएको छ । बजार खुलेको करिब १ घण्टामा टीएसमए सिस्टमले काम गर्न छाडेपछि लगानीकर्ता सेयर कारोबार गर्नबाट वञ्चित हुनु परेको छ ।
टीएमस प्रयोगकर्ताका अनुसार अहिले टीएमएसको विन्डो नै खुलेको छैन । टीएमएसको साइट नखुल्दा लगानीकर्ताले सेयर कारोबार पनि गर्न पाएका छैनन् ।
पटक पटक एउटै समस्या दोहोरिरहँदा समेत नेप्सेको वेवास्ताका कारण समस्या हल हुन सकेको छैन । सेयर कारोबार बापत करोडौं रुपैयाँ कर अशुले पनि नेप्सेले अनलाइन सिस्टमलाई भरपर्दो र प्रभावकारी बनाउन नसक्दा सधैं हैरानी र नोक्सानी व्यहोर्नु परेको लगानीकर्ताहरुको आरोप छ ।
केही स्वार्थ समूहले चलखेल गरी बजार घटाएर सस्तोमा सेयर उठाउन सिस्टममै समस्या देखाइएको हुन सक्ने उनीहरुको आरोप छ ।
यता नेप्सेले भने प्राविधिक कारण टीएमएसमा समस्या आएको जनाएको छ । उक्त समस्या चाँडै समाधान गरी सिस्टम सुचारु गर्ने प्रयास भइरहेको नेप्सेले जनाएको छ ।