काठमाडौं । सेयर बजारमा गिरावट आएको छ । गत बिहीबार २१ अंकले घटेर बन्द भएको बजार यससाता पहिलो कारोबार दिनमै ओरालो लागेको हो ।
सूचकसँगै कारोबार रकममा ठूलो गिरावट आएको छ । गतसाता औसतमा दैनिक ६ अर्बको कारोबार भएकोमा आज घटेर साढे ४ अर्ब मुनि सीमित भएको छ । प्रफिट बुक गर्नेहरु हाबी हुँदा कारोबार रकमले गति लिन नसकेको आकलन गरिएको छ ।
आज सेयर बजार मापक सूचक नेप्से ५.४५ घटेर २५४३.५२ विन्दुमा आइपुगेको छ । नेपाल स्टक एक्सचेन्जका अनुसार आज २०९ कम्पनीको ४ अर्ब ४१ करोड ३ लाख ४५ हजार २९ रुपैयाँ बराबरको ९१ लाख ३८ हजार ९३५ कित्ता सेयर किनबेच भएका छन् ।
सोमबार कारोबारमा आएका १३ वटा समूहमध्ये ३ समूहको परिसूचकमा परिसूचकमा हरियाली छाएको छ भने १० समूहको परिसूचक राताम्मे भएको छ । लघुवित्त समूह सबैभन्दा धेरै ४४.५ अंकले बढेको छ भने व्यापार समूह २१२.८३ अंकले घटेको छ ।
कारोबारमा आएका २०९ कम्पनीमध्ये ८९ कम्पनीको सेयर मूल्य बढेको छ भने १०२ कम्पनीको मूल्यमा गिरावट आएको छ । १८ कम्पनीको मूल्य स्थिर रहेको छ ।
आज नेपाल इन्फ्रास्ट्रक्चर बैंकको सर्वाधिक कारोबार भएको छ । यसको सबैभन्दा धेरै ४४ करोड ३१ लाख रुपैयाँ बढीको कारोबार भएको छ । कारोबार रकमकै आधारमा माथिल्लो तामाकोशी ३८ करोड र चन्द्रागिरी हिल्स ३७ करोडको कारोबार सहित शीर्ष तीनमा रहे ।
घट्दो बजारमा पनि आज ३ कम्पनीको सेयर मूल्यमा पोजेटिभ सर्किट लागेको छ । उन्नति सहकार्य लघुवित्त, अजोड इन्स्योरेन्स र महिला लघुवित्तका सेयरधनीले करिब १० प्रतिशत कमाएका छन् ।
यसअघि लगातार १ महिनाबढी पोजेटिभ सर्किट लाग्दै आएको चन्द्रागिरी हिल्सका सेयरधनीले आज सबैभन्दा धेरै ७.१७ प्रतिशत गुमाएका छन् ।
