काठमाडौं । मायाखोला हाइड्रोपावर कम्पनी लिमिटेडले प्राथमिक साधरण सेयर (आइपीओ) निष्काशन गर्ने भएको छ ।
कम्पनीले प्रतिकित्ता १०० रुपैयाँ दरले २४ करोड रुपैयाँ बराबरको २४ लाख कित्ता आइपीओ जारी गर्ने भएको हो ।
आइपीओ जारी गर्नका लागि कम्पनीले प्रभु क्यापिटललाई सेयर निष्काशन तथा विक्री प्रबन्धकमा नियुक्त गरेको छ ।नियुक्ति सम्बन्धी सम्झौतामा मायाखोलाका कार्यकारी अध्यक्ष विजयमान शेरचन र प्रभु क्यापिटलका प्रबन्ध संचालक दिनेश थकालीेले हस्ताक्षर गरे ।
कम्पनीले संखुवासभाको धर्मदेवी नगरपालिकामा अवस्थित मायाखोलामा १४.९ मेगावाटको आयोजना निर्माण गरिरहेको छ । हालसम्म आयोजनाको भौतिक प्रगति ६० प्रतिशत सम्पन्न भइसकेको जनाइएको छ ।
