काठमाडौं । नेपाल इन्फ्रास्ट्रकचर बैंक (निफ्रा) ले नेपाल स्टक एक्सचेन्ज (नेप्से)ले माग गरेको स्पष्टीकरणको जवाफ पर्काएको छ ।
गत बुधबार संचारमाध्यमहरुमा निफ्राले ३० मिलियन डलरको बण्ड जारी गर्ने र त्यसलाई लण्डन स्टक एक्सचेन्जमा सूचीकृत गराउने, आगामी वर्ष १० प्रतिशत लाभांश दिने भन्ने समाचार आएपछि नेप्सेले त्यसको सत्यतथ्य के हो भनेर ३ दिन भित्र स्पष्टिकरण दिन निर्देशन दिएको थियो ।
नेप्सेको उक्तस्पष्टिकरणको जवाफ फर्काउँदै निफ्राले ३० मिलियन डलरको बण्ड जारी गर्ने विषय सत्य भएको र बण्ड जारी गर्न सम्बन्धीत सरोकारवाला सबै नियकायबाट स्वीकृति समेत लिइसकेको जानकारी गराएको छ ।
३० मिलियन डलरको बण्ड जारी गर्ने विषय बैंकको रणनीति भित्रकै एक हिस्सा रहेको र बैंकको यसअघिका वार्षिक प्रतिवेदनमा समेत प्रकाशित भइसकेको भन्दै निफ्राले अन्तमि स्वीकृति लिई यथासक्य छिटो बण्ड जारी गर्ने तयारी समेत भइरहेको नेप्सेलाई जानकारी गराएको छ ।
यस्तै, बैंकले आगामी आर्थिक वर्ष २०७७/७८ मा सेयरधनीलाई ८ प्रतिशत लाभांश वितरण गर्ने प्रक्षेपण रहेको नेप्सेलाई जानकारी गराएको छ ।
