काठमाडौं । महिला लघुवित्त वित्तीय संस्थाको प्राथमिक साधरण सेयर (आइपीओ) नेपाल स्टक एक्सचेञ्ज (नेप्से)मा सूचीकृत भएको छ ।
कम्पनीले सोमबार संस्थापकतर्फको ६ लाख कित्ता र सर्वसाधरणको ४ लाख गरी कुल १० लाख कित्ता सेयर नेप्सेमा सूचीकृत गरेको हो ।
नेप्सेमा सूचीकृत भएसँगै लघुवित्तको सेयर मंगलबारदेखि दोस्रो बजारमा कारोबारमा आउने छ । नेप्सेले सेयर कारोबारका लागि लघुवित्तलाई MLBSL संकेत चिह्न प्रदान गरेको छ ।
लघुवित्तको पहिलो कारोबारका लागि नेप्सेले ३१३.१६ रुपैयाँदेखि ९३९.४८ रुपैयाँ ओपन रेञ्ज तोकेको छ । यसकै बीचमा रहेर लघुवित्तको पहिलो कारोबार शुरु हुनेछ ।
माथिल्लो रेञ्जका कारोबार खुलेर पोजेटिभ सर्किट लागेमा लघुवित्तको सेयर मूल्य पहिलो दिनमै १ हजार रुपैयाँमाथि पुग्ने छ । यद्यपि, पहिलो कारोबार ३१३ रुपैयाँदेखि माथि जतिमा पनि खुल्न सक्छ ।
लघुवित्तले माघ २८ गतेदेखि प्रतिकित्ता १०० रुपैयाँ दरले ४ करोड रुपैयाँ बराबरको ४ लाख कित्ता आइपीओ विक्रीमा ल्याएको थियो ।
जसमा गोलाप्रथाबाट भाग्यमानी ३७ हजार ५०० जनाले १० कित्ताका दरले सेयर हात पारेका थिए भने १४ लाख ९९ हजार १८२ जनाको हात खाली भएको थियो ।
आइपीओ निष्काशन पछि लघुवित्तको चुक्ता पूँजी १० करोड रुपैयाँ पुगेको छ ।
