काठमाडौं । कुमारी क्यापिटलले आफ्नो पहिलो म्युचुअल फण्डको ८ करोड इकाई (कित्ता) विक्री खुला भएको छ । क्यापिटलले ‘कुमारी इक्वीटी फन्ड’ को प्रति इकाई १० रुपैयाँका दरले ८० करोड रुपैयाँ बराबरको ८ करोड इकाई विक्रीमा ल्याएको हो ।
कुल निष्काशित इकाईमध्ये १ करोड २० लाख इकाई कोष प्रवद्र्धक कुमारी बैंकलाई छुट्याइएको छ । बाँकी ६ करोड ८० लाख इकाईमा सर्वसाधारणले आवेदन दिन सक्नेछन् ।
कुमारी इक्वीटी फन्डमा फागुन १८ गतेसम्म आवेदन दिन सकिनेछ । सो अवधिसम्म सबै इकाई विक्री नभएमा ढिलोमा फागुन २८ गतेसम्म आवेदन दिन पाइनेछ ।
लगानीकर्ताले न्यूनतम १०० इकाईदेखि ८० लाख इकाईसम्मका लागि आवेदन दिन पाउनेछन् । उक्त म्युचुअल फण्ड १० वर्षमा परिपक्क हुनेछ ।
लगानीकर्ताले कुमारी क्यापिटल, धितोपत्र बोर्डबाट सी–आस्वा इजाजत अनुमति प्राप्त बैंकक शाखाहरुका साथै मेरो सेयरमार्फत आवेदन दिन सक्नेछन् ।
